හිත ඉඩ නොදුන්නත් යන්නට නුඹෙන
නොසිතූ ලෙසේ ලියවේ ජීවිතේ
උණුසුම් මගේ හද හීතල කරන්
යා යුතු නිසා යමි අවසන් ගමන්
අවසර සඳේ මට යන්නට නුඹෙන්
මගෙ සුවඳ ඔය උණුහුමේ මගෙ මතක ඔය මතකයේ
ගුලි කර තියන් ඉදහිට බලන්
නොපෙනෙන හදේ කොනක මිහිදන් කරන්
බොහෝ උදයන් සැදෑ කාලේ මා නුඹේ උකුලට බලා
සෙනෙහෙ නෙතු පටලලා වරු ගනන් ඔබ හා
මගෙ දෑස් පියවුනේ ඒ තුරුලෙ නම් ඔබේ
නෑ අද මේ තරම් හිත් වේදනා
මේ හිතට සැනසුම කොහෙවත් නොවේ
මගෙ සුවඳ ඔය උණුහුමේ මගෙ මතක ඔය මතකයේ
ගුලි කර තියන් ඉදහිට බලන්
නොපෙනෙන හදේ කොනක මිහිදන් කරන්
රත්තරං දෙනෙතින් නොවේවා රත්තරං කදුළු
සසර මග හමුවේවා මා නුඹ මෙයින් මතු
නුඹෙයි මගෙයි කතන්දරේ නොවුනානම් ලෙන්ගතු
නෑ අද මේ තරම් හිත් වේදනා
මේ හිතට සැනසුම කොහෙවත් නොවේ
හිත ඉඩ නොදුන්නත් යන්නට නුඹෙන ......